Arestado it gintingob nga pwersa it mga otoridad ro daywa ka most wanted person sa probinsya it Aklan ag Region 6.
Ginkilaea ro mga inarestong sanday Benjie Masula 27yo ag Chanlie Masula 21yo, magmaeanghud ag parehung residente it Brgy. Tibiawan, Makato, Aklan.
Base sa police spot report, ro mga arestado nga miyembro it criminal gang ag parehung mga Top Most Wanted Person sa municipal level hay naga pangatubang sa kasong murder.
Sa makarun hay nakakulong eon ro mga raya sa Makato Police Station ag nakataeana nga i-turn over sa korte para sa nagakaigu nga disposisyon. / ANN DESLENE SALAZAR
