Nanindigan ang Armed Forces of the Philippines (AFP) na hindi mga miyembro ng Moro Islamic Liberation Front (MILF) ang nakasagupa ng tropa ng pamahalaan sa bayan ng Maguing sa Lanao del Sur.
Ayon kay AFP spokesman Col. Ramon Zagala hindi MILF ang kalaban ng mga militar kundi ang mga ‘peace spoilers’ na naghahasik ng kaguluhan sa lugar.
Sa katunayan ayon kay Zagala ang MILF pa ang nagbigay ng impormasyon sa pinagkukutaan ng grupo.
Binigyan diin ng AFP na hindi naging target ang MILF sa opensiba ng militar dahil katuwang nila ito para sa kapayapaan sa Mindanao.
Idinipensa naman ni Zagala ang paggamit ng ‘close air asset’ ng government troops upang mapigilan na dumami pa ang mga terorista sa lugar.
