KORONADAL CITY- TARGET ng Department of Agriculture o DA Region 12 ang 21,866 na mga magsasaka na makikinabang sa Fuel Discount for Farmers and Fisherfolk Program na alinsunod sa Special Provision No. 20 ng Republic Act o RA11639.
Layunin nito na matulungan ang mga farmers na maibsan ang epekto ng sunud-sunod na oil price hike at upang mabawasan ang kanilang gastos sa produksyon at pagbiyahe ng kanilang mga produkto.
Nakasaad sa naturang probisyon na ang mga may sinasakang hindi lalagpas sa isang ektarya ay makakatanggap ng tig P 2,000 na fuel subsidy.
Nasa P 43.7 million ang inilaang pondo ng DA 12 sa fuel subsidy program.
Makakatanggap ng subsidiya ang mga farmers na rehistrado sa Registry System for Basic Sectors in Agriculture o RSBSA, may sertipikasyon na kabilang ito sa mga mahihirap na magsasaka sa kanilang barangay, at handang sumailalim sa dagdag na training courses.
