Suportado ng Department of Trade and Industry (DTI) ang rekomendasyon ng Metro Manila Mayors (MMC) na ibaba na sa alert level 1 ang COVID-19 risk classification sa National Capital Region.
Paliwanag ni DTI Sec. Ramon Lopez kung tutuusin halos wala nang pinagkaiba sa Alert level 1 ang sitwasyon ngayon sa Metro Manila dahil matagal nang bukas ang mga negosyo.
Ayon kay Lopez tila magiging ceremonial o pormalidad na lamang ang paglalagay sa NCR sa ilalim ng alert level 1.
Sa kabila nito binigyan-diin ng kalihim na hindi dapat mawala ang pagpapaigting sa mask, hugas at vaccination program ng gobyerno para labanan ang COVID-19.
Nakatakda naman maglabas ng circular ang DTI sa mga establisiyemento para pagandahin ang bentilasyon sa kanilang mga puwesto.
