Kulong sa Libacao Municipal Police Station ru sangka wanted person nga may kasong rape ag sexual assault sa Brgy. Guadalupe, Libacao, Aklan.
Sa report, sangka 37-anyos ru akusado ag residente it Brgy. Julita, Libacao.
Na aresto ru akusado matapos parahan it mga kapulisan ru mini dump truck nga gin asakyan it akusado.
Gin serbe ru warrant of arrest sa akusado nag permado ni Presiding Judge Bienvenido P. Barrios Jr., 6th Judicial Region, RTC Br. 3, Kalibo, Aklan.
May Criminal Case No.16038 sa kasong Rape ag Criminal Case No. 16037 sa kasong Sexual Assault nga may petsang Pebrero 18, 2022.
Naga balor it P2000,000 ru pyansa sa kasong Sexual Assault nga gin taeana it korte para sa temporaryong kahilwayan it akusado.
Gin himo ru operasyon it Libacao PNP ag 1st Aklan Provincial Mobile Force Company.//MARIVIC Y. ILIN
