Nbasyuran nga ku 2019 pa gin-eubong pa ro bangkay it sambilog ka NPA member nga makutkot it mga personnel it Philippine Army sa Brgy. Onop, Miagao, Iloilo.
Base sa kumpirmasyon ni Capt. Marvin Buenavista, it Miagao Police Station, may miyembro it NPA nga nagsurrender nga nagturo it lokasyon it bangkay.
Ginkilaea ro bangkay ni Mark Sasi alyas Ka Aden nga taga- Sibalom Antique ag miyembro it team 2, Squad 1, Suyak Platoon, Southern Front Komiteng Rehiyon Panay.
Nagpalagiw si Sasi sa natabo nga engkwentro ku September 23, 2019 pero ka’t ulhi hay namatay man raya ag idto man gin-eubong sa nasambitan nga lokasyon.
Uwa pa it nag-claim sa nasambitan nga bangkay pero may mga taga-Philippine Army ro nag-adto sa anda para i-confirm ro bangkay./JIL B. LACSON
