Sangka pasyente ro nagpaeagyo samtang naka confine sa sangka pribadong ospital sa banwa it Kalibo, Aklan.
Sa report sa Kalibo PNP it sangka administrative clerk it ospital, bandang alas 3:45 it hapon kahapon hay napan-uhan segun nana nga owa eon ro sambilog sa andang pasyente sa OB-ward.
Ro napan uhan eang segun it security guard it ospital hay ro nanay it pasyente nga nagguwa eon nga bitbit ro mga gamit it pasyente.
Ro pasyente hay may balanse pa sa nasambit nga private hospital nga P37,283.
Ginpakamayad eon lang nga iparekord sa Kalibo PNP ro nasambit nga insidente. / ANN DESLENE SALAZAR
