Naka takdang mag patayo ng pasilidad para sa produksyon ng pagkain ng isda sa lalawigan ng Aurora.
Ayon sa Bureau of Fisheries and Aquatic Resources o BFAR Region 3, popondohan nila katuwang ng Department of Agriculture, at National Fisheries Research and Development Institute o (NFRDI) ang pagpapatayo ng fish feed mill.
Gagamitin sa feed mill ang mga “indegenous at readily available” na materyales gaya ng kangkong, malunggay, ipa at kopra para mapababa ang gastusin ng mga fisherfolk sa pakain.
Itatayo ang pasilidad sa 1,000 ektaryang lupain sa barangay Talabuanan sa bayan ng Baler.
Target ng ahensya na matapos ang konstruksyon ng pasilidad sa darating na Hunyo 2022.
