GIKASUBO sa boxing promoter nga si kanhi World Boxing Champion Gerry Peñalosa ang nakansela nga away sa Gensan promising boxer nga si Criztian Pitt Laurente kaniadtong Pebrero 5 sa Bogo, Cebu gumikan sa last minute nga decision sa doctor.
Ang komento ni Peñalosa, makasusubo, makadiskuryo ug kaluluoy sila sa nahitabo labaw na sa bahin sa boksidor nga ‘buhis buhay’ ang pagpangandam sa pagbuhin sa dakung timbang, pag-sparring ug sa pagpa- swab test ug pagpakwarantina unya sa ulahing minuto dili idayon ang away.
Gidugang ni Penialosa nga isip promoter ilaha na nga nahimo ang tanang legal nga proseso gikan sa CT scan, ECG, Xray ug swab test,gipadala sa Games and Amusement Manila, na-aprubahan apan pag-abot na sa away sa dihang anaa sa Dressing Room nag- warmup na ang boxer gisultihan sa usa ka doctor sa Cebu nga dili idayon ang away kay naa siyay suspetsa sa panglawas ni Pitt kay dili daw normal ang heartbeat.
Gidugang ni Peñalosa nga ang laing problema nila kay wala usab ang presensya sa OIC sa GAB Cebu nga makahimo unta sa desisyon niadtong panahona mao nga wala gayod nadayon ang away.
Tungod niini nanganti si Peñalosa nga mangita og pamaagi nga maaksyunan sa GAB national ang hitabo aron dili na kini masundan pa, kay sa panahon karon sa pandemya naglisod sila sa boxing industry mao nga nagapangita usab sila og paagi nga mapadayon ang career sa mga boksidor sama ni Pitt nga nagtuo siya nga may potential nga mahimong world champion.
Mensahe niini kay Pitt nga padayon lang bisan sa mao nga pagsulay, hagit lang kini sa iyang career nga dapat malampasan isip fighter. I Ver Diazon
