Inihayag ni Interior Secretary Eduardo Año na malabo pang maipatupad ang “no booster card, no entry,” policy sa kasalukuyan.
Binigyan diin ni Año na magdurusa ang ekonomiya ng bansa sakaling ipilit ang implementasyon ng naturang polisiya.
Paliwanag ng kalihim na mahigit kalahating milyong indibidwal pa sa Metro Manila ang nananatiling hindi pa bakunado laban sa COVID-19.
Sinabi ni Año na inuuna ng gobyerno ang pagbabakuna para sa primary series o ang unang doses at ikalawang doses.
Nilinaw din ng opisyal na hindi pa ito napag-uusapan sa mga pulong ng IATF.
