Sumailalim si Pangulong Rodrigo Duterte sa mandatory quarantine matapos nitong ma-expose sa kaniyang tauhan na nagpositibo sa COVID-19.
Kinumpirma ni acting presidential spokesperson Karlo Nograles na household staff ng Pangulo ang nasabing COVID-19 case.
Nilinaw naman ni Nograles na negatibo ang resulta ng COVID-19 test ng Pangulo.
Tiniyak ng kalihim sa publiko na patuloy na gagampanan ng Pangulo ang tungkulin nito habang naka-quarantine.
Tuloy-tuloy rin aniya ang komunikasyon ng Pangulo sa mga miyembro ng Gabinete upang masigurado na matutugunan ang mga urgent na bagay partikular na ang mga may kinalaman sa COVID-19 response.
Mababatid na fully vaccinated na ang Punong Ehekutibo laban sa COVID-19, at nakatanggap na rin ito ng booster shot.
