Nagpahimangno ang Probinsiya sa Davao Occidental sa publiko nga mutamod sa mga gipatuman nga kamandoan partikular na sa ‘No Movement Sunday’ aron dili makasinati og aberya.
Kini human nga subling nagpatuman ang Davao Occidental og ‘No Movement Sunday’ subay sa gipagulang Executive Order No 003-2022 ilawom sa Alert Level 3.
Nakalatid sa maong EO, nga ang mga frontline healthcare workers, mga uniformed personnel ug disaster risk reduction and management council personnel lamang ang mamahimong mugawas sa adlaw’ng dominggo aron malimitahan ang mga lihok sa mga tawo.
Samtang, gimandoan sab ang mga residente nga wala nalakip isip frontline workers nga magpundo na lamang sailang panimalay.
Gawas niini, epektibo sab ang curfew sa probinsiya sugod alas 10 sa gabie hangtod alas 4 sa kadlawon.
Gipatuman ang maong lakang aron malikayan ang padayon nga pagsaka sa kaso sa Covid-19 ilabi na nga nakatala og Omicron variant ang Probinsiya sa Davao Occidental hinungdan nga padayon ang ilang pagpaningkamot aron dili na kini subling mahitabo.BNFM-DAVAO
