Ginkumbinse ni Kalibo Bishop Jose Corazon Tala-oc ro mga tumueu-o nga suportahan ro Ati community sa probinsiya it Aklan sa pag-asa nga mapanami ro anang kahimtangan.
Nagpanawagan man si Tala-oc sa mga lokal nga opisyal nga magbulig sa mga Ati community sa pag-expand it andang eugta sa Barangay Cubay Sur ag Boracay Island sa Malay, Aklan.
Ginpahayag man nana sa mga lokal nga opisyal it Kalibo nga magpadayon sa pakipag-angot sa Ati community it Brgy. Mobo, Kalibo, Aklan./JIL B. LACSON
