Aabot sa mahigit 32,000 na mga kabahayan sa Quezon City ang naka-lockdown dahil sa patuloy na pagtaas ng COVID-19.
Ayon kay Quezon City Mayor Joy Belmonte malabo na ang pagpapatupad ng granular lockdown sa kanilang lungsod dahil sa dami ng nagkakasakit bunsod ng omicron variant.
Kaya naman sa halip granular lockdown, house-to-house lockdown ang ipinapatupad sa Quezon City.
Paliwanag ni Belmonte lahat ng miyembro ng pamilya sa loob ng bahay na nakalockdown ay hindi nila pinapahintulutang lumabas.
Ayon sa alkalde ibinase nila sa science ang hakbang dahil kung titingnan ang mga pag-aaral, napakabilis umanong makahawa ng Omicron variant kaya’t malaki ang tiyansa na ang buong kabahayan ay mahawaan kapag may nagpositibo nang miyembro nito.
