Nagpasida-an ang Department of Agriculture (DA-XI) sa mga tawong migamit sa pangalan sa ahensya aron mangayo og solicitation sa social media nga dili sila magpanuko nga dakpon ug i-trace kung si kinsa ang mipaluyo niini.
Kini human nga gikaingong ginagamit sa tawo o grupo ang ahensya sa DA-XI aron mangayo og cash o in-kind solicitation pinaagi sa social media.
Tungod niini, nagpahimangno ang ahensya sa publiko nga wala nangayo ang DA-XI og bisan unsang matang sa solicitation hinungdan nga dili mutoo o magpailad sa sanglit daghan matud pa ang nanghimulos karong panahona.
Gawas niini, nangayo sab og kooperasyon ang DA-XI sa katawhan nga ireport gilayon sailang buhatan kung ugaling nakamatikod o nakabasa sa social media sa maong illegal nga binuhatan o dili ba kaha mutawag sailang numero nga (082)226 3625 local 1126 o mag email sa [email protected]. BNFM-Davao
