Nangandam ang Nothern Mindanao Medical Center sa posibling pag-surge sa kaso sa Omicron variant sa COVID-19.
Gibutyag ni NMMC Liaison Officer Dr. Bernard Julius Rocha nga ugaling modeklara ang ilang hospital chief sa red alert, andam nilang i-aktibo subli ang sistema sa pakigbatok sa COVID-19.
Kini ilabi na nga nabantayan karon nga adunay pagsaka sa ihap sa pasyente sa nahisgutang balay tambalanan nga milapas sa 10 tandi sa single-digit sa nakalabay nga semana.
Nasayran nga sa nakalabay nga adlaw gumikan sa ubos nga kaso sa COVID-19, gibalik una sa NMMC ang normal nga functions sa ilang ward lakip ilang ICU beds.
Apan kung gamiton kini subli sa pagtubag sa COVID-19 situation, kanunay nga naka-andam ang hospital.
