Nagtaas ro numero it mga pobre nga mga residente it Aklan sa una nga semester it 2021, raya hay base sa Philippine Statistics Authority (PSA)-Aklan.
Ro poverty incidence it mga taga-Aklan sa una nga katunga it dag-on 2021 hay nagsaka sa 24.9% halin sa 19.8% ku 2018. Raya hay katumbas it 152, 300 katawo nga presente nga nagakalisod.
Ro poverty incidence hay ro parte it populasyon nga nakabuhi nga mas manaba sa poverty line it kabieogan nga populasyon.
Samtang, ro subsistence incidence o ro parte it populasyon it Aklan nga naka-eksperiyensiya it matindi nga kalisdanan hay nagtaas man sa 9.% sa una nga parte it dag-on 2021 halin sa dati nga 6% ku 2018. Katumbas raya it kapin sa 56, 400 katawo.
Sa numero it mga pamilya sa Aklan, ro poverty incidence hay kapin sa 18.3% ku 2021, mas mataas it 24.49% kumpara sa 14.7% nga narekord ku 2018.
Katumbas raya it 28, 300 nga mga pamilya halin sa 21,700 nga presente nga nakgakabuhi nga mas manaba sa poverty line ku 2018./JIL B. LACSON
