Dumating sa bansa ang mahigit 2-milyong AstraZeneca COVID-19 doses na binili ng pribadong sektor nitong Martes.
Sinabi ni Presidential Adviser for Entrepreneurship Joey Concepcion na ang nasabing doses ay magiging bahagi ng huling batch ng AstraZeneca COVID-19 vaccines.
Mayroon pang karagdagang bilang ng AstraZeneca doses ang inaasahang darating ngayong araw.
Kukumpletuhin nito ang 17-million doses ng AstraZeneca vaccine doses na sinecure para sa bansa sa pamamagitan ng tripartite agreement kasama ang gobyerno at manufacturers.
