Tiniyak ng Department of Health na sapat ang suplay ng gobyerno para matugunan ang mas maikling interval period sa pagitan ng primary doses ng COVID-19 at ng booster shot.
Sinabi ni Health Undersecretary Maria Rosario Vergeire na mayroon 200-million doses na committed na para sa bansa, at mula sa nasabing bilang ay natanggap na ng Pilipinas ang 150-million doses.
Dahil diyan ay sinabi niya na sobra-sobra pa ang suplay ng bansa ngayon.
Naiulat rin ni Vergeire na inaasahan na mayroon pang 25-million na karagdagang COVID-19 vaccine doses ang darating bago matapos ang 2021.
Matatandaan na inaprubahan ng Food and Drug Administration ang rekomendasyon na vaccine expert panel na mapaikli sa 3 buwan ang interval para sa adminsitration ng booster doses mula sa dating 6-month period.
