NAKAALERTO na ang Office of the Civil Defense (OCD) 12 sa posibleng epekto sa Bagyong Odette sa Soccsksargen region.
Matud ni Jerome Barranco, assistant regional director sa OCD-12, luyo nga wala sa track sa bagyong Odette ang rehiyon. Apan kinahanglan ang hugot nga pagbantay tungod butyag sa Pag-Asa posibleng ma-enchance sa bagyo ang Local Thunderstorm.
Partikular gibantayan ang bukirong bahin sa North Cotabato kalabut sa posibleng landslide dala sa pag-ulan. Gihimo na usab ang Pre-Disaster Risk Assessment (PDRA) kauban ang tanang ahensiya sa gobyerno sa rehiyon, dugang ni Barranco.
Tumong masiguro nga alerto ang tanan sa briefing sa Pag-Asa ug Mines and Geosciences Bureau sa DENR worst case scenario. Kahibaloan nga liboan katao ang gibakwit sa human ang landfall sa bagyo sa mid-eastern parts sa nasud. Si Odette ang ika-15 nga bagyong miigo sa Pilipinas karong tuiga. I Richel Gubalani
