Nadiskubrehan it Regional Drug Enforcement Unit (RDEU) it Police Regional Office 6 (PRO-6), ro pinakabag-o nga modus operandi it mga drug trafficker.
Raya hay ro paggamit it facemask para itago ro ilegal nga droga, base kay Police Lieutenant Colonel Mark Anthony Darroca, RDEU chief.
Aniya, kung maghimo sanda it frisking, uwa it ma-recover nga drugs ro mga otoridad bangud ginatago nanda raya sa mga facemasks.
Sa rekord it kapulisan, daywang drug related insident eun nga may makara nga klase it modus ro narekord makarang ber-months.
Base pa kay Darroca, naga-innovate eun makara ro mga drug pushers, gina-ubra nanda ro tanan para eang matago ro item./JIL B. LACSON
