Ginasulong it Bureau of Fire Protection sa Region 6 (BFP-6) ro zero-related injuries angot sa mga paeupok pag-abot it kapaskwahan ag bag-ong dag-on.
Sa presente, uwa pa it narekord nga insidente angot dikara, base raya sa kumpirmasyon ni BFP-6 director, Fire Senior Superintendent Jerry Candido.
Matandaan nga ku nagtaliwan nga dag-on, bangud man sa pandemya, uwa it narekord nga mga kaso it mga indibidwal nga napinsala sa mga paeupok.
Ginkumbinse man it BFP-6 ro publiko nga mas maghaeong sa pag-handle it mga firecrackers ag kung pwede kunta indi eun eang mag paeupok para sa mas maeuwas nga selebrasyon it Holiday season./JIL B. LACSON
