Giila sa Department of Health-XI ang tulo ka lokal nga paggamhanan sa Davao Region nga nanguna sa Covid-19 vaccination.
Subay sa datus nga gipagula sa DOH-XI, nanguna ang Davao City nga anaa sa 88% ang vaccination coverage, ikaduha ang munisipalidad sa Boston, Davao Oriental nga anaa sa 79.7% samtang 75.6% ang Panabo City, Davao del Norte.
Tungod niini, gipasidunggan sab sa mga otoridad ang mga healthcare workers tungod sailang pagpaningkamot aron maangkon ang herd immunity ug mahatagan og proteksyon ang mga katawhan.
Sa kasamtangan, nagpadayon ang vaccination rollout sa tibuok rehiyon samtang nangandam sa ikaduhang hugna sa Bayanihan Bakunahan nga gikatakda karong Desyembre 15 hangtod 17, 2021.
