Kalaboso ag naga pangatubang sa kaso ro sangka eaeaki matapos kara nga takawan ro sangka Barangay Kapitan sa banwa it Numancia, Aklan.
Ginkilaea ro Barangay Kapitan nga si Roberto Macavinta 62yo it Brgy. Marianos, Numancia ag sangka vendor sa Numancia Public Market.
Sa report, samtang ginaayos it complainant ro anang mga baligya, napan-uhan nana nga may tawo sa idaeum it andang papag.
Ginbuoe segun it suspek ro plastic bag igto nga may sueod nga wallet nga igto ro 15,000 pesos nga cash nga ginapanag-iyahan it misis ni Macavinta.
Insigida man raya nga nakadaeagan pero gin-eagas imaw it kapitan hasta sa naabutan.
Ginkilaea ro suspek nga si Jayson Dela Cruz 29yo it Passi City Iloilo ag sangka pahinante. / ANN DESLENE SALAZAR
