Kinasuhan eon ru suspek sa pag-eapas sa Republic Act 9165 o Comprehensive Dangerous drugs Act of 2002 ru suspek nga nadakpan sa drug buy bust operation sa banwa it Kalibo.
Nakilaea ru suspek nga si Lowie Jay Pastrana, 26 anyos ag residente it Brgy. Andagao, Kalibo, Aklan.
Nakumpiska sa suspek ru sangka mabahoe nga plastic sachet it marijuana, 3 maisot nga sachet ag pilang ka mga drug paraphernalias matapos gin paidaeom sa body search.
May nakita man ru mga operatiba it Philippine Drug Enforcement Unit (PDEU) ag Kalibo Municipal Police Station it mga residue it marijuan sa baeon nga shorts nga naka butang sa sueod it backpack.
Naga abot sa P45,000 ru kabilugan nga street value it droga nga nakumpiska halin sa nasambit nga operasyon. //MARIVIC Y. ILIN
