GI-AGHAT sa Police Regional Office-10 ang pagpatuman sa pagbutang og mga Close Circuit Television System matag Barangay og Establishimento ning Rehiyon labi na sa mga nag-unang junctions sa lugar.
Pamahayag ni PRO-10 Regional Director Police Brigadier General Benjamin Acorda Jr. nga dakong tabang ang pag-install og mga CCTV Sytem alang sa dali nga pagsulbad sa mga krimenalidad nga gakahitabo matag komunidad.
Ang pamahayag ni PRO-10 Regional Director Police Brigadier General Benjamin Acorda Jr. atol sa gipahigayon nga Press conference sa Police Station-9 Nazareth ning siyudad.
Hisayrang napadali ang pagkasikop sa mga responsible sa mi-ambush patay kang Dr. Raul Winston Andutan gumikan sa CCTV Footage nga nakuha sa Crime Scene nga nahimong dakong lead aron matoltolan ang nahimutangan sa mga suspetsado. – END – (ARNIEL)
