Milapas na sa 100% sa target population sa 1st dose ang nakab-ot sa Cagayan de Oro sa nagpadayon nga vaccination program batok sa COVID-19.
Gibutyag ni City Health Office Medical Officer Dr. Ted Yu Jr., nga anaa na sa 62.02% ang herd immunity sa syudad.
Tungod sa nakab-ot nga ihap, gi-ubsan karon sa CHO ang target nga mabakunahan matag adlaw nga anaa lamang sa 7 ka libo.
Subay niini dako ang pasalamat sa City Health Office sa vaccination team nga nagsakripisyo aron matunolo ang maayong serbisyo sa pagpamakuna ingon man sa mga tawo nga mipadayag sa ilang suporta ug kooperasyon sa aktibidad.
