Sambilog ka lider it New People’s Army (NPA) ro kaibahan sa mga namatay sa military preemptive strike ku Miyerkules sa Barangay Alimodias, Miag-ao, Iloilo, base sa Philippine Army.
Si Joven Ceralvo alyas “Lex” ro pangaywa nga deputy secretary it Kometing Rehiyon-Panay Southern Front it NPA ag commanding officer it Front Operational Command, Kometing Rehiyon-Panay.
Ro anang pagkamatay hay ginkumpirma it 301st Infantry Brigade kasunod it forensic examination.
Si Ceralvo hay may serye it mga kasong kriminal kapareho it rebellion, frustrated murder, double multiple attempted murder, robbery, ag arson.
Samtang, tatlo pa nga mga opisyal it NPA ro ginkilaea man it army nga namatay man sa engkwentro.
May walo pa nga mga namatay pero uwa pa raya nakilaea; maga-paidaeom ro nasambitan nga bangkay sa DNA test.
Presente nga ginasubaybayan it Army ag mga kapulisan ro mga ospital para sa mga ninahan nga rebelde./JIL B. LACSON
