Naka angkon it tama sa likod ru sangka habal-habal driver it dating kaalitan sa Brgy. Guadalupe, Libacao, Aklan.
Sa imbisitigasyon it Libacao Municipal Police Station, nakilaea ru biktima nga si Jonard Apolinario, 26 anyos it Sitio Mayubay Brgy. Guadalupe, Libacao, Aklan.
Samtang, gina turo nga suspek hay si Jonel Zemato, 28 anyos it nasambit nga lugar.
Gin parahan sigun it suspek ru biktima samtang naga maneho it habal-habal nga motorsiklo ag ikara gin eabo ru biktima.
Eagi man nga gin daea sa Libacao Primary Hospital ru biktima ag presene pa nga gina bueong.
Gina tan-aw it mga otoridad nga dating alitan ru motibo it pag-eabo.
Samtang, detain sa makaron ru suspek sa Libacao Municipal Police Station matapos mag surrender sa anang tiyo.// MARIVIC Y. ILIN
