SORSOGON CITY – Kabilang na sa expanded A3 priority group ang mga buntis, ayon ito sa Dept of Health-Sorsogon.
Tiniyak naman ng pinuno ng ahensya na si Dr Gladys Escote na ligtas ang COVID-19 bakuna sa mga buntis, lalo na yung nasa ikalawa at ikatlong trimester na ang kanilang pagdadalang-tao.
Aniya pa, lahat ng bakuna na naisyuhan ng emergency use authorization (EUA) sa Pilipinas ay puwedeng gamitin sa mga buntis maliban ang Sputnik V.
