Ginawaran si Philippine Ambassador to Washington Jose Manuel Romualdez ng mataas na national merit para sa mga diplomats ni Pangulong Rodrigo Duterte.
Si Romualdez ang nanguna sa efforts para makakuha ng milyon-milyong COVID-19 vaccines sa US at nagfacilitate sa pagbabalik ng makasaysayang Balangiga Bells.
Sa virtual conferment ceremony sa Malacañang, ginawaran ang naturang diplomat ng Order of Sikatuna, Rank of Datu, Gold Distinction —na pinakamataas na national diplomatic merit na ibinibigay sa mga Filipino diplomats at mga opisyal ng foreign governments.
Sa gitna rin ng maritime disputes sa pagitan ng China sa West Philippine Sea, isinulong ni Romualdez ang enhanced Philippines-US alliance sa pamamagitan ng defense at security cooperation, partikular na sa maritime security at pinalakas ang Philippine defense capabilities. //MHEL PACIA-TRINIDAD
