Nag-umpisa eun ro pagbakuna sa mga menor de edad sa probinsiya it Guimaras kuntra sa COVID-19 infection.
Ku Martes, 423 nga mga mga unga nga naga-edad sa 12 hasta 17 dag-on hay nakabaton it andang una nga dose it bakuna.
Ginhimo ro pagbakuna sa Dr. Catalino Gallego Nava Memorial High School sa Barangay Constancia, San Lorenzo.
Ginpangunahan man raya it Provincial Health Office sa pakipag-angut sa Municipal Health Office it San Lorenzo.
Naghiwat man it assessment sa mga menor de edad bago ro pagbakuna. Partikular eun ro andang vital signs ag medical history.
Ginsubaybayan man sanda pagkatapos it kahiwatan. Presente nga uwa it nareport nga adverse effect ro mga vaccines sa mga unga.
Ginkumbinse it lokal nga gobyerno ro mga ginikanan nga iparehistro ro andang mga unga sa Barangay Health Emergency Response Teams o Rural Health Units para sa pagbakuna./JIL B. LACSON
