Kinasing-kasing nga mipaabot ug pahimangno ang labaw sa kapulisan sa lungsod sa Veruela ngadto na sa mga katawhan ilabina na sa mga negosyante nga nanag-iya ug Motor Parts partikular na sa may barangay Sampaguita nga likayan ang pag pamaligya ug Open Pipe Muffler o Bora-bora nga tambutso gumikan usab sa ilang mga nadawat nga reklamo sa mga katawhan.
Sumala pa ni Police Lieutenant Alan Yap Badajos ang hepe sa Veruela Municipal Station nga gumikan sa mga ubay-ubay ka reklamo sa mga katawhan sa matag gabii hinungdan sa kasaba sa bora-bora rason nga ila karong gipahugtan ang pagbawal sa maong tambutso, matud pa kasagaran sa mga naga gamit niini mao kadtong mga kabatan-onan.
Dugang pa sa maong labaw nga gikinahanglan usab sa mga ginikanan nga pahimangnoan ang ilang mga kabataan nga likayan ang paggamit ug bora-bora tungod usa kini nga makahatag ug dako nga kahasol sa uban ilabina na sa kagabion.
