Tila ay unti-unti nang ipinakikilala ng aktres at singer na si Nadine Lustre ang bago nitong iniibig matapos nitong mag-post sa kauna-unahang pagkakataon ng litrato ng kaniyang rumored boyfriend.
Sa Instagram, ay ibinahagi ni Lustre ang full moon na kinuhanan mula sa isang beach.
Kasama sa mga litrato ay ang silhouette ng isang lalaki na nasa foreground.
Naka-tag sa larawan ang lalaki na kinilala bilang Christophe Bariou, na usap-usapan bilang kaniyang bagong nobyo nitong mga nakaraang buwan.
Dati nang nag-share si Lustre ng clip ni Bariou sa kaniyang Instagram Stories noong maagang bahagi ng Nobyembre.
Sa parehong pagkakataon ay nag-post ang ama ni Lustre na si Ulysses ng Facebook photos na nagpapakita na kasama ng pamilya nila si Bariou sa Siargao.
