Gipa-imbestigahan na sa City Health Office sa Cagayan de Oro ang nadawat nga report may kalabutan sa gi-ingong “fake vaccination card”.
Gibutyag ni CHO Medical Officer Dr. Ted Yu Jr., nga hugot ang ilang koordinasyon sa Cagayan de Oro City Police Office aron maila ang mga nalambigit niini.
Lakip sa mga manubag niini ang mga gapasiugda sa pag-gama sa face vaccination card ingon man ang kadtong gapabuhat nga indibidwal.
Apelar sa otoridad sa katawhan nga dili manglimbong tungod tinuoray ang kampanya sa COVID-19 vaccination, ug kung gusto matud pa magbaton sa vaccination card, panahon na aron magpabakuna aron madawat ang dugang proteksyon batok sa virus.
Kahibaloan nga nakadawat sa report ang CHO sa maong reklamo homan nga duna nay pipila ka mga establisyemento nga mitanyag sa nagkadaiyang insentibo alang sa mga bakunadong indibidwal. -END- (Claudine)
