KALIBO, AKLAN — Kapin sa P6,000 nga balor it kwarta ro natakaw it owa pa makilaea nga suspek halin sa sangka van driver sa may area it J. Magno St., Kalibo, Aklan.
Sa reklamo sa Kalibo PNP it driver nga si Dennis Calawod 45yo ag residente it Culasi, Antique, nakatueogan imaw sa sueod it anang van ag bangud sa mainit hay binuksan kara ro pirtahan it saeakyan.
Pagbugtaw segun nana hay owa eon ro anang sling bag nga kulay puea nga may sueod nga 6,000 pesos nga cash.
Padayun man ro imbestigasyun it Kalibo PNP sa insidente. / ANN DESLENE SALAZAR
