Pinanindigan sa preliminary report ng House Committee on Good Government and Public Accountability ang ulat ng Commission on Audit na hindi nagkaroon ng overpricing sa procurement ng COVID-19 supplies noong 2020.
Inihayag ito ni Deputy Speaker at Sagip party-list Representative Rodante Marcoleta sa isang forum noong Miyerkules.
Ayon kay Marcoleta, iginiit ng COA na wala itong korapsyon, overpricing o ghost delivery na nakita mula sa mga transaksyon ng gobyerno para sa pandemic supplies.
Binigyang diin rin ng mambabatas na paninindigan ng report ng House of Representatives ang probisyon sa Bayanihan to Heal as One Act o Bayanihan 1, na nagsususpindi sa mga karaniwang requirements sa ilalim ng government procurement law sa mga panahon ng krisis.
