Nakabalik na ang big man na si Marion Magat sa NLEX, matapos siyang makuha ng Road Warriors mula sa Blackwater Bossing kapalit nina Will McAloney at Mike Ayonayon.
Inaprubahan ng PBA ang trade noong Martes.
Makukuha naman ng Blackwater ang second round pick ng NLEX sa 2023 PBA Rookie Draft sa nasabing kasunduan.
Magsisilbi ito bilang homecoming para kay Magat na naglaro para sa NLEX noong 2019 bago ito naisama sa trade ng tatlong kuponan na nagpadala kay Jericho Cruz sa Road Warriors.
Ipinaliwanag naman ni NLEX head coach at general manager Yeng Guiao na layon ng trade na palakasin ang frontline ng kanilang kuponan.
