ANAA na sa P4,400 per square meter ang kantidad sa yuta sa area sa purok Saeg, Barangay Calumpang ang gipuy-an sa halos 500 ka pamilya nga nasunugan.
Kini segun sa labaw sa City Assessors Office nga si Ronnie Imbong nga ang nasunog nga area, subay sa ilang record ang nakapangalan sa pito ka tawo.
Kini mao silang Ignacio Dalogdog, Apolinario Dalogdog, Mamerto Rolete, Leon Dalogdog, Maria Teresa Lusaque, Vicente Mirabueno ug Tarong Impal.
Gituohan ni Imbong nga anaa lang sa P280 pesos per square meter ang market value sa maong area apan karon ginasogyot nga mokabat na kini sa P2,400 pesos per square meter.
Kasamtangan ang ginabasehan pa sa pagbaligya sa mga yuta sa syudad ang kaniadto pang 1995 nga market value ug kini wala pa nabag-o.
