Nakataeana nga ipaidaeum sa post mortem examination ro eawas it sangka eapsag nga namatay ku nagtaliwan nga Huwebes sa Oyo Torong St., Kalibo, Aklan.
Base sa report it Kalibo PNP, ginpadede pa segun ku anang Ina ro eapsag nga 1 month ag 4 days old pa eamang.
Pero kat nabugtaw segun sanda it kaaganhun hay napan-uhan nanda nga owa naga ginhawa ro eapsag.
Nasayuran nga menor de edad ro Ina it eapsag ag 19yo man ro ama kara.
Kaiping segun nanda sa pagtueog ro andang eapsag ag owa man segun raya it masakit rasun nga nakibot sanda kung ham-an it namatay raya. / ANN DESLENE SALAZAR
