Magsasagawa ng Organic Trade Fair ang San Marcelino Municipal Agriculture Office ngayong araw.
Ito ay para maipakita at maibenta ang iba’t ibang lokal na produkto na ginamitan lamang ng mga abono na walang mga halong kemikal.
Ang trade fair ay gaganapin ngayong araw sa harap ng DTI-Negosyo Center sa lugar kaugnay sa 7th Organic Agriculture Month na may temang Organikong Pagsasaka, Sagot sa Pandemya.
Samantala hinihikayat naman ng Local Agriculture Office ang mga mamamayan na tangkilikin ang mga produktong ibenebenta ng mga magsasaka sa lugar para makatulong din sa kabuhayan ng mga ito.//Michelle Lopez-BNFM OLONGAPO
