LEGAZPI CITY – Arestado ang isang 31 anyos na lalaki sa Purok 1 Brgy, Bariw bayan ng Bacacay, Albay dahil sa kasong ilegal na droga. Kinilala ang akusado na si Alyas Jemuel residente ng nasabing barangay.
Ayon sa report, hapon ng silbihan ng warrant of arrest ang akusado na pirmado noong Oct 19 2021 dahil sa paglabag sa RA 9165 o Comprehensive Dangerous Drugs Act of 2002.
Aabot sa Php 80,000.00 ang inirekomendang piyansa ng korte para sa kanyang pansamantalang kalayaan. Ang akusado ay dinala sa himpilan ng pulisya para sa kaukulang disposisyon.
