Mukabat sa 1.9 milyon ang ihap sa mga naka rehistro alang sa PhilSys o national ID apan anaa lamang sa 5,000 ang nahatagan niini dinhi sa Davao Region.
Ang maong ihap miani og pagsaway ug reklamo ngadto sa opisina sa Philippine Statistics Authority-XI tungod nga hangtod karon wala pa miabot ang PhilSys ID sa una ng nagparehistro.
Gipasabot sab sa PSA-XI nga bisan sila wala matud pa nakadawat sab sailang IDs ug dili kontrol sa buhatan ang pag deliver niini.
Una na sab nga nangayo og abiso ang buhatan sa publiko nga malangay ang pag-abot sa National ID sa rehiyon pinaagi sa Philippine Postal Corporation.
Mitambag karon ang PSA-XI sa registrants nga hulaton na lamang nga umabot ang ilang National o PhilSys ID ug kung maabot gilayon kini ipang apud-apod kini sa mga nagkadaiyang Barangay dinhi sa Davao Region.
