Igniit ni Philippine National Police chief Police General Guillermo Eleazar na dapat pa rin magbihis ng maayos ang mga security guards kahit tuwing holiday season.
Sa isang panayam ay nagpahayag si Eleazar ng pagkabahala sa posibleng kalituhan at hindi pagkakaunawaan na maaring idulot ng security guards na hindi naka-proper uniform habang may dala-dalang mga baril.
Ayon kay Eleazar, hindi pupuwede na hindi magmukhang security guard ang mga bantay sa mga establishimyento.
Hiniling naman ni Eleazar sa Supervisory Office for Security and Investigation Agencies (SOSIA) ang pag-iisyu ng guidelines para sa mga security guards na nagsusuot ng holiday costumes.
