Base kay kapitan Adrian Macuja, mabuot ag uwa it sin-o man nga kaaway ro biktima nga si Jose Servano Jr., it Brgy. Del Pilar, Hamtic, Antique.
Matandaan nga nagpahatod eamang si Servano kaibahan si Macuja sa San Jose para mag-withdraw it kwarta sa honararium it andang mga barangay officials kat bigla raya nga ginbaril it riding-in-tandem kahapon, Oktubre 14.
Gintamaan sa likod ag nageapos sa dughan it biktima ro bala. Gindeklara man raya nga dead-on-arrival sa ospital.
Sa presente, uwa pa it lead ro pulisya sa identity it riding-in-tandem nga mga suspect sa krimen. Padayon gihapon ro imbestigasyon angut sa insidente./JIL B. LACSON
