Inanunsyo ng commander ng US Indo-Pacific Command na si US admiral John Aquilino, na nag-release ito ng 12.5-million dollars para sa implementasyon ng Enhanced Defense Cooperation Agreement (EDCA) sa pagitan ng Pilipinas at US.
Ayon kay Aquilino, gagamitin ang pondo para tuparin ang mga responsibilidad na naka-outline sa dating EDCA agreement.
Dagdag ng US admiral, nakalinya rin ang pondo sa “prioritized order of capabilities” na pinagkasunduan nila ni Armed Forces of the Philippines chief-of-staff General Jose Faustino Jr.
Sa ilalim ng EDCA ay inaasahan ang konstruksyon ng ilang pasilidad na magpapabuti sa interoperability o pagtutulungan ng mga tropa ng US at Pilipinas.
Layon rin nito na mapaghusay ang kapasidad ng armed forces, mapaigting ang external defense ng AFP, maisulong ang maritime security, at magamit para sa humanitarian assistance and disaster response (HADR).
