Inihayag ng Armed Forces of the Philippines na inaasahan nitong iigting pa ang mga aktibidad sa ilalim ng Enhanced Defense Cooperation Agreement (EDCA) ng Pilipinas at US sa pagpapatuloy ng Visiting Forces AGreement.
Sinabi ni AFP chief-of-staff General Jose Faustino, Jr. na napag-usapan nila sa kanilang meeting ang mga bagay na tutugon sa mga “gaps” na kanilang naranasan dahil sa ilang problema at hamon.
Ipinunto niya na kasama na rito ang pandemya na nagpapatuloy pa rin sa bansa.
Ibinunyag naman ni Faustino na meron nang nangyayaring pag-uusap para makapagpartisipa ang United Kingdom bilang observer sa taunang Balikatan exercises sa 2022.
Sa kasalukuyan ay nagsisilbi ang Japan at Australia bilang observers sa Balikatan.
