Sueod sa Top 10 it October 2021 Fisheries Technologist Licensure Examination ro ap-at ka mga graduate it University of the Philippines Visayas (UPV).
Base sa resulta it examination halin sa Professional Regulation Commission (PRC) nakabuoe it 84.25% rating si Geraldin Mae Daguplo Olaer nga sa pangatlo nga pwesto; nakabuoe man it 84.00% si Jeremiah Inventor Diaz nga nasungkit ro pang-ap-at nga pwesto; 83.25% ro nabuoe ni Mary Gold Rio David nga sa pang-pito nga pwesto; ag 83.00% kay Pearlyn Tanate Cambronero nga sa ika-walo nga pwesto.
Base sa PRC, may 715 ka mga indibidwal ro nakabuoe it nasambitan nga exam pero 211 eamang ro nakapasa.
Nakataeana nga magata-o pa it anunsiyo ro PRC sa lugar ag petsa it oath taking ceremony./JIL B. LACSON
