Subling gibalik ang gitanyag nga libreng RT-PCR test sa lokal nga kagamhanan sa dakbayan sa dabaw alang sa F2 ug F3 Covid-19 Close Contacts sa mga Covid-19 positive.
Kini dungan na sab sa padayon nga lakang sa otoridad alang sa pagpakgang sa Covid-19. Kahimumdoman nga nadaot ang machine ectraction machine nga maoy nagabasa sa mga swab specimens sa Southern Philippines Medical Center ug gani gikaingon nga limitado na lamang ang nahibilin nga testing kits niini.
Una ng gibutayag ni Davao City Covid-19 Task Force Spokesperson Dr. Michelle Schlosser nga kaniadong Oktubre 5 ning kasamtangang tuig, nagsugod na og dawat ang Magsaysay Swabtesting Center sa mga second generation (F2) ug third-generation (F3) close contacts for RT-PCR swabbing.
Gitataw sab sa ipsiyal nga gina proseso karon sa Los Amigos Molecular Laboratory ug Davao International Airport molecular laboratory ang mga specimensamtang nagapaabot sa maayo ang nahisgutang machine.
