Binaril patay it suspek ru sangka fish vendor sa Sitio Tabon Baybay, Brgy. Caticlan, Malay.
Sa initial nga imbistigasyon, nakilaea ru biktima nga si Marcial Arguilles, 54 anyos, it Masbate apang presenting naga estar sa nasambit nga lugar.
Samtang, nakialea ru suspek nga si Ponciano Tayco, 45, it Pob. Ibajay ag naga estar sa makaron sa Sitio Tabon, Brgy. Caticlan, Malay, Aklan.
Naga pahaum eon konta nga maga katueog ru biktima kat may nabati-an nga singgit sa liwan it panimaeay rason nga gumuwa ag anang gin kutana ru suspek kun ano ru gina singgit.
Gin pabangdan sigun it suspek ru biktima nga basi imaw ru nag bato sa anang panimaeay ag gulping binaril sa dughan ru biktima.
Sa makaron, temporaryong naka kulong sa PCP4 Caticlan ru suspek matapos nga boluntaryong nag surrender sa mga kapulisan.
Sa kustodiya man it Malay MPS ru armas nga gin gamit it suspek sa biktima.//MARIVIC Y. ILIN
